*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री अरुणा दुद्दलवार लिखित अभंग*

*पैसा….*

पैसा पैसा पैसा | वेडावतो जीव|

करावी ती कीव | लोभी जन ||१

व्यवहारी आहे |पैशाचे महत्व |

संपत्तीचे तत्व | ध्यानी धरा ||२

पैसे मिळवण्या | नको तो हव्यास|

जागावे सत्यास | नीती धर्म ||३

फसवाफसवी | बनवाबनवी |

नको अरेरावी | वादावादी ||४

गरजेपुरता | पैसा मिळवावा |

समाधान ठेवा | आयुष्यात ||५

जीवन तारतो |सत्य व्यवहार |

आनंद बहार |समाधानी || ६

आजार शिक्षण |पैसा हवा हाती|

मान्य ती महती | बचतीची ||७

असता अमाप | जनाच्या हितास

उपयोग खास | द्यावा निधी ||८

योग्य विनियोग | पैशाचा वापर |

ठेऊनी आदर| अरू म्हणे|| ९

००००००००००००००००००००

अरुणा दुद्दलवार@✍️