*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी विनायक जोशी लिखित अप्रतिम काव्यरचना*

*नको वाजवायला कुणी शिट्टी*

करून तयारी आंघोळीची

उघड्यावरती चूल मांडली

टबात ठेवून *सर्वं लुगडी*

चुलीत फाटी सारत बसली

//1//

हीच अवस्था घराघरातून

*नाही चित्र वेगळे कुठे*

सोबत बसते मांजर भोळी

मालकिणी संगे तीही उठे

//2//

समाचार घेऊन उंदरांचा

नाश्ता करते दूध पिऊन

नाही घालत तोंड दुधात

आजीने ठेवल्ये शिकवून

//3//

लावून नंबर आंघोळीसाठी

पाणी लागते गरम करून

काटक्या कुटक्या इंधन सारे

आणावे लागते फार दुरून

//4//

उठून “पळाली” पोरे सारी

शाळेला आहे आज *सुट्टी*

येते गिळायला वानर सेनी

नको वाजवाला कुणी शिट्टी

//5//

विनायक जोशी 🖋️ठाणे

मीलनध्वनी/9324324157