वेंगुर्ले येथे रामेश्वर मंदिरात १९ जानेवारी पासून माघी गणेश जयंती उत्सव…

वेंगुर्ले

येथील रामेश्वर मंदिरात १९ ते २४ जानेवारीपर्यंत माघी गणेश जयंती उत्सव व परिवार देवतांचे वर्धापनदिन उत्सव साजरे होणार आहेत. १९ ला उत्सवास प्रारंभ, श्री रामेश्वरावर लघुरूद्र व अभिषेक, २० ला शनिदेव वर्धापनदिन, श्री सत्यनारायणाची महापूजा, २१ ला श्री नागेश्वर वर्धापनदिन, वरदशंकर व्रतपूजा, नवचंडी देवता स्थापना व पाठवाचन, २२ ला श्री गणेश जयंती, २१ गणपतींची स्थापना व २१ गणेशयाग (हवन) पूर्णाहूतीसह, सायं. ४ पासून हळदीकुंकू, २३ ला श्री भगवती वर्धापनदिन, नवचंडी हवनयुक्त, स.१० पासून कुंकूमार्चन, नवचंडी हवनाची पूर्णाहूती, सायं.५ वा.गणपती विसर्जन, २४ ला १२ वा.बारापाच देवतांस महानैवेद्य, आरती, गा−हाणे व सर्व लोकांस महाप्रसाद. उत्सव कालावधीत रात्रौ.७ वा. तरंगदेवता व गणपती-भगवती, नागनाथ-दत्त यांची भजनासहीत पालखी प्रदक्षिणा. भाविकांनी श्रींच्या दर्शनाचा व महाप्रसादाचा लाभ घ्यावा, असे आवाहन श्री रामेश्वर देवस्थान ट्रस्ट तर्फे केले आहे.