*जागतिक साहित्य कला व्यक्तित्व विकास मंच तथा काव्य निनाद साहित्य मंचच्या सन्मा सदस्या ज्येष्ठ लेखिका कवयित्री प्रतिभा पिटके लिखित अप्रतिम काव्यरचना*
*तिळगुळ घ्या गोड बोला*
सूर्याचे मकर राशीत।
होतसे पहा संक्रमण ।।
संक्रात सण आनंदाचा।
सुरू झाले उत्तरायण।।। १
आहे जानेवारी महिना।
सण तिळगुळ देण्याचा।।
कृष्ण पक्ष हा पौषातील।
गोड बोला हो म्हणण्याचा।। २
नटती साऱ्या सुहासिनी।
देती वाण एकमेकींना ।।
तिळगुळ घ्या, गोड बोला।
म्हणती हर्षे मैत्रिणींना ।।। ३
सारी मुले खेळ खेळती।
पतंग उडविती उंच ।।
रंगबिरंगी पतंगाचा ।
खेळ चालतो आकाशात।। ४।।
तिळगुळ घ्या गोड बोला।
मंत्र आपण आचरावा।।
स्वतः आनंदात राहून।
दुसऱ्यास आनंद द्यावा।। ५
प्रतिभा पिटके
अमरावती
