*दिव्यांग बांधवांचा विभागवार मेळावा संपन्न*

*सिंधुदुर्ग*

महात्मा गांधी सेवा संघ संचलित जिल्हा दिव्यांग पुनर्वसन केंद्र सिंधुदुर्ग व सिंधुदुर्ग साईकृपा अपंगशक्ती बहुउद्देशीय शिक्षण संस्था कसाल आणि कुणकेश्वर ग्रामपंचायतीच्या वतीने शुक्रवार दिनांक 02/01/2026 रोजी कुणकेश्वर पंचक्रोशीतील सर्व दिव्यांग बांधवांचा विभागीय मेळावा सकाळी 10.00 वाजता संपन्न झाला. या मेळाव्यामध्ये कुणकेश्वर गावचे सरपंच श्री.महेश ताम्हणकर सर, उपसरपंच शशिकांतजी सर, कुणकेश्वर माजी सरपंच विश्वासजी सर, कुणकेश्वर ग्रामसेवक अधिकारी गुणवंत पाटील सर, कुणकेश्वर देवस्थानचे अध्यक्ष एकनाथजी तेली सर तसेच जिल्हा समन्वयक अनिल शिंगाडे सर, कर्मचारी विशाखा कासले, प्रणाली दळवी,ललित गावडे आदी मान्यवर उपस्थित होते. मान्यवरांच्या वतीने दीपप्रज्वलन करून लुई ब्रेल यांच्या प्रतिमेला पुष्पहार अर्पण करून व स्वागत समारंभ करून कार्यक्रमाची सुरुवात करण्यात आली.कर्मचारी विशाखा कासले यांनी संस्थेचे अहवाल वाचन केले.जिल्हा समन्वयक अनिल शिंगाडे सरांनी दिव्यांग बांधवांना मार्गदर्शन केले. तसेच कुणकेश्वर गावचे सरपंच महेश ताम्हणकर सर यांनी दिव्यांग बांधवांना अमूल्य असे मार्गदर्शन केले. तसेच महात्मा गांधी सेवा संघ संचलित जिल्हा दिव्यांग पुनर्वसन केंद्र सिंधुदुर्गच्या वतीने सुरेश चव्हाण यांना कानाची मशीन देण्यात आली.या मेळाव्याला 60हून जास्त दीव्यांग उपस्थित होते. महात्मा गांधी सेवा संघ संचलित जिल्हा दिव्यांग पुनर्वसन केंद्र सिंधुदुर्गच्या वतीने सर्व दिव्यांग बांधवांना भेटवस्तू देण्यात आल्या.कर्मचारी दळवी मॅडम यांनी उपस्थितांचे आभार मानून कार्यक्रम संपन्न झाला असे जाहीर केले.