रोटरी क्लब सावंतवाडीचे माजी अध्यक्ष रो. विजय कामत यांचे वडील क्रिस्टवासी एन. बी. कामत यांचे निधन

सावंतवाडी

रोटरी क्लब सावंतवाडीचे माजी अध्यक्ष रो. विजय कामत यांचे वडील, ज्येष्ठ व आदरणीय नागरिक क्रिस्टवासी एन. बी. कामत (वय अंदाजे ८५) यांचे आज दुपारी वृद्धापकाळामुळे निधन झाले.
एन. बी. कामत हे सार्वजनिक बांधकाम विभागात (P.W.D.) अभियंता म्हणून कार्यरत होते. अत्यंत प्रामाणिक, कर्तव्यदक्ष व कामसू अधिकारी म्हणून त्यांची जनमानसात ओळख होती. सर्व समाजात ते प्रेमळ व आदराने पाहिले जाणारे व्यक्तिमत्त्व होते.
त्यांचा जन्म सन १९४० मध्ये धारवाड येथे झाला. नोकरीनिमित्त ते सावंतवाडीत आले व येथेच स्थायिक झाले. त्यांच्या पश्चात एक मुलगा रो. विजय कामत (आर्किटेक्ट), कर्नाटक येथे वास्तव्यास असलेल्या दोन विवाहित मुली, सून व दोन नाती असा परिवार आहे.
त्यांची अंत्ययात्रा उद्या दुपारी सावंतवाडी येथील साळईवाडा येथील निवासस्थानापासून वेंगुर्ला येथे निघणार आहे.