सावंतवाडी :
स्व.प्रा.उदय रमाकांत खानोलकर वाचन मंदिर मळगाव येथे शुक्रवार दिनांक १२ डिसेंबर २०२५ रोजी सायंकाळी ठीक ४.०० वाजता ग्रंथालयाच्या सुवर्ण महोत्सवी वर्षानिमित्त व स्व.प्रा.उदय खानोलकर जयंती दिनाचे औचित्य साधून ग्रंथालयाच्या स्व. रमाकांत सूर्याजी खानोलकर सभागृहात विविध कार्यक्रमांचे आयोजन करण्यात आले आहे. या कार्यक्रमांसाठी मळगावचे सुपुत्र मा.डॉ.श्री.एम.के.उर्फ आबा गावकर हे प्रमुख पाहुणे म्हणून उपस्थित राहणार आहेत.
सदर कार्यक्रमात स्व.उदय यांच्या “कोकणातील दशावतार” या पहिल्या ग्रंथाच्या अनुषंगाने मळगावचे सुपुत्र तथा सुप्रसिद्ध दशावतार नाट्य कलावंत श्री नारायण आसयेकर हे दशावतार कलेविषयी यथासांग विवेचन करून दशावतार कला सादरीकरण करणार आहेत.
या कार्यक्रमाला नाट्य प्रेमी, वाचन प्रेमींनी मोठ्या संख्येने उपस्थित रहावे असे आवाहन खानोलकर वाचन मंदिर तर्फे करण्यात आले आहे.
