वेंगुर्ला
राज्य परिवहन वेंगुर्ला स्थानकावरील साई मंदिराच्या २४ व्या वर्धापनदिन उत्सवाला आज शुक्रवार १२ फेब्रुवारी ला प्रारंभ झाला. सकाळी गणेश पूजन व धार्मिक विधी करून वेंगुर्ला शहरात ढोल ताशांच्या गजरात श्री साईंची भव्य पालखी मिरवणूक काढण्यात आली.
दोन दिवस हा उत्सव साजरा होणार आहे. सायं.४ वा. श्री विठ्ठल रखुमाई पंचायतन सांप्रदाय, सुरंगपाणी-खानोली (दादा पंडित) यांचे भजन, सायं.६ वा. पालखी, आरती, सायं.७ वा.पार्सेकर दशावतार नाट्य मंडळाचा नाट्यप्रयोग होणार आहे. तर उद्या १३ फेब्रुवारी रोजी सकाळी ८ वा. महारुद्र जप सांगता, १० वा. साईबाबांची महापूजा, दु.११ वा. महाआरती व महानैवेद्य, दु.१२ वा. महाप्रसाद, सायं.४ वा. ब्राह्मण प्रासादिक भजन मंडळ, आडेली यांचे भजन, सायं.५ वा. फुगडी, सायं.६ वा.पालखी व आरती, सायं.७ वा. ओंकार कलामंच सावंतवाडी यांचा सदाबहार करमणुकीचा कार्यक्रम होणार आहे. भाविकांनी कोविड प्रार्दूभाव टाळण्यासंबंधीचे सर्व नियम पाळून कार्यक्रमांचा लाभ घ्यावा असे आवाहन श्री साई मंदिर देवस्थान समिती व कर्मचारी वृंद राज्य परिवहन वेंगुर्ला आगार यांनी केले आहे.
