*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री अरुणा मुल्हेरकर लिखित अप्रतिम काव्यरचना*

*सांग दर्पणा कशी मी दिसते*

छबी पाहता आयन्यात मी फार लाजते

सांग दर्पणा एकवार मज कशी मी दिसते ॥ध्रु॥

लाली खुलते कपोलावरी

रंग चुटुक तो तसाच अधरी

उरोजावरी चोळी माझी अशी तटतटते

सांग दर्पणा एकवार मज कशी मी दिसते॥१॥

यौवनात मी वर्षे सोळा

मधुकर होती भवती गोळा

मनी माझिया अबोल ही का खंत दाटते

सांग दर्पणा एकवार मज कशी मी दिसते॥२॥

यौवन हे तर आहे नश्वर

वदे आयना सत्य निरंतर

कर्मानुसार प्रत्येकाचे जगणे ठरते

सांग दर्पणा एकवार मज कशी मी दिसते॥३॥

अरुणा मुल्हेरकर

मिशिगन