*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी चंद्रशेखर कासार लिखित अप्रतिम काव्यरचना*
*पणती*
उजळल्या दाही दिशा
उजळली ही धरणी
उजळले हे पर्व सारे
उजळली ही अवनी
उजळूनी केला क्षय
अंधाराच्या गर्वाचा
उजेडाने गेले भय
उदय प्रकाश पर्वाचा
बघुनी प्रकाश पर्व हे
मन माझे आनंदले
दिप दिप लागे अंगणी
अंधाराला झाकोळले
दिव्याचे दिव्यत्व हे
उजळवी मनाला
प्रकाशमान होऊनी
उजळावे स्वतःला
उजळले हे विश्व माझे
पेटली पणती अंगणी
उजळले नाते प्रेमाचे
आली दिवाळी सजूनी
कवी :-
*चंद्रशेखर प्रभाकर कासार*
*चांदवडकर , धुळे.*
७५८८३१८५४३.
८२०८६६७४७७
