*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री डॉ मानसी पाटील लिखित अप्रतिम काव्यरचना*
*दरवळाया लागली शांतता*
दरवळाया लागली ही शांतता,
मनात दाटून येई व्याकुळता .
स्मृतींच्या पानांवरी हळवी ओल,
डोळ्यांत साचलेले प्रांजळ बोल.
वाऱ्याच्या स्पर्शात दडलेले गीत,
आठवांचे जागणे जुनीच रीत
आभाळही थांबले नि:स्तब्ध दाट
मनास गवसे भाव विलक्षण वाट
वेळेच्या काठावर थरथरती ओढ,
शब्दांविना सांगते मनातील गूढ
दरवळती आठवणी, विसरलेले क्षण,
शांततेच्या गर्भी दडलेले स्पंदित कण
*©️®️ डॉ सौ. मानसी पाटील*
मुंबई
