गोव्यात रिपब्लिकन पक्ष वाढविण्यात कालकथीत बाळा बनसोडे यांचा मोठा वाट होता – केंद्रिय मंत्री नाम.डॉ.रामदास आठवले

गोव्यातील आंबेडकर चळवळीतील नेते,आर.पी.आय.गोवा प्रदेश अध्यक्ष कालकथीत बाळासाहेब बनसोडे यांचे नुकतेच दुखद निधन झाल्याने त्यांना श्रद्धांजली अर्पण करण्यासाठी पक्षाच्या वतीने गोव्यात वास्को येथील “हॉटेल झेड स्क्युअर” मधील हॉलमध्ये शोकसभेचे आयोजन करण्यात आले होते. यावेळी पक्षाचे राष्ट्रीय अध्यक्ष तथा केंद्रीय सामाजिक न्याय राज्य मंत्री नाम. डॉ.रामदास आठवले यांनी उपस्थित राहून कालकथीत बनसोडे यांना श्रद्धांजली अर्पण केली तसेच कुटुंबियांचे सांत्वन केले.
नाम.डॉ.रामदास आठवले सभेत बोलताना म्हणाले की,बाळू उर्फ बाळा बनसोडे हेअत्यंत माझ्या जवळचे कार्यकर्ते होते, निष्ठेने कार्यरत होते,माझ्या नेतृत्वाशी एकनिष्ठ राहून,माझ्या नेतृत्वाला त्यांनी अखेरपर्यंत साथ दिली,पॅंथर चळवळीपासून ते माझ्या सोबत राहिले,गोव्यात रिपब्लिकन पक्ष वाढविण्यात बाळा बनसोडे यांचा मोठा वाट असल्याचे आठवले यांनी सांगितले.

त्यांच्या जाण्याने रिपब्लिकन चळवळीत मोठी पोकळी निर्माण झाली आहे एक प्रामाणिक आणि निष्ठावंत कार्यकर्ता हरपला मोठे नुकसान झाले आहे.

उपस्थित भाजपचे वास्को मतदार संघाचे आमदार -दाजी साळकर हे कालकथीत बनसोडे यांना श्रद्धांजली अर्पण करताना म्हणाले की,बनसोडे हे अत्यंत प्रामाणिक कार्यकर्ते होते,10-11 वर्षापासून ते मला परिचीत होते.नाम.आठवले यांच्या नेतृत्वाखाली रिपब्लिकन पक्षाला त्यांनी चांगली साथ दिली.छोट्या मोठ्या कार्यकर्त्यांच्या सुख दुःख धाऊन जाणार नेता म्हणून रामदास आठवले यांची देशात ओळख आहे. रामदास आठवले हे सामान्य कार्यकर्त्याला थेट नावाने ओळखणारा व नावाने हाक मारणारा नेता आठवले यांच्या बद्दल प्रत्येकाला आदर वाटतो.नेता असा असावा ,कार्यकर्त्याच्या प्रसंगाला धाऊन जाणारा.त्यामुळे काम करण्यासाठी एक प्रेरणा मिळते.

उपस्थित रिपब्लिकन पदवीधर मतदार संघ महाराष्ट्र अध्यक्ष घनशाम चिरणकर, आर.पी.आय.महाराष्ट्र सचिव तथा गोवा संपर्क प्रमुख- युवराज सावंत, आर.पी.आय.गोवा प्रदेश कार्याध्यक्ष -उमेश हसापुरकर,आर.पी.आय.महाराष्ट्र प्रदेश सहसचिव-रमाकांत जाधव,कोकण प्रदेश अध्यक्ष-प्रकाश मोरे, आर.पी.आय.गोवा प्रभारी सतीश कोरगावकर इत्यादींनी दिवंगत बनसोडे यांना श्रद्धांजली अर्पण केली.तसेच आर.पी.आय.वास्को शहराध्यक्ष- रहिम खान,संघटक-राम वाघमारे,संघटक -लालचंद पासी,महिला संघटक -जयश्री कांबळे,सहसचिव-हिरन डिसोझा उपस्थित होते.
यावेळी दिवंगत बाळा बनसोडे यांच्या पत्नी शोभा बनसोडे व त्यांची मुले या सर्वांचे नाम.डॉ.रामदास आठवले यांनी सांत्वन केले.