वेंगुर्ला नगरपरिषदेच्या नगराध्यक्ष पदासाठी सर्वसाधारण आरक्षण जाहीर

नगरसेवक पदांसाठी ८ ऑक्टोंबर ला आरक्षण सोडत

वेंगुर्ले

वेंगुर्ला नगरपरिषदेच्या नगराध्यक्ष पदासाठी सर्वसाधारण आरक्षण जाहीर झाले आहे. आता या पदासाठी अनेकजण इच्छुक असून कोणाला संधी मिळते हे निवडणुकीनंतरच स्पष्ट होणार आहे. दरम्यान नगरसेवक पदांची आरक्षण सोडत बुधवार ८ ऑक्टोंबर रोजी सकाळी ११ वाजता वेंगुर्ले नगरपरिषदेच्या स्वामी विवेकानंद सभागृह येथे होणार आहे.

यापूर्वी वेंगुर्ले नगर परिषदेच्या नगराध्यक्ष पदासाठी ओबीसी पुरुष आरक्षण होते त्यावेळी दिलीप उर्फ राजन गिरप निवडून आले होते. आता हे आरक्षण बदलून सर्वसाधारण आरक्षण पडल्यामुळे अनेक जण इच्छुक होणार आहेत.