सिंधुदुर्गनगरी :
महिलांचे आरोग्य व सक्षमीकरण हे कुटुंब, समाज आणि देशाच्या प्रगतीचे प्रमुख केंद्रस्थान आहे. आरोग्य व कुटुंब कल्याण मंत्रालयामार्फत “स्वस्थ नारी सशक्त परिवार” हे विशेष अभियान १७ सप्टेंबर ते २ ऑक्टोबर २०२५ या कालावधीत संपूर्ण देशभर राबविले जात आहे.
या अभियानांतर्गत जिल्हाधिकारी कार्यालयात ३० सप्टेंबर रोजी महिला कर्मचाऱ्यांसाठी आरोग्य तपासणी शिबिराचे आयोजन करण्यात आले. शिबिराचा शुभारंभ जिल्हाधिकारी तृप्ती धोडमिसे यांच्या हस्ते मायनाक भंडारी सभागृह येथे झाला. यावेळी जिल्हा आरोग्य अधिकारी डॉ. सई धुरी उपस्थित होत्या.
या शिबिराचा एकूण ८६ महिलांनी लाभ घेतला. त्यापैकी ७६ महिलांच्या विविध रक्त तपासण्या करण्यात आल्या. शिबिरासाठी प्राथमिक आरोग्य केंद्र, कसाल येथील वैद्यकीय पथक तसेच जिल्हा रुग्णालयातील तज्ज्ञ उपस्थित होते.
