*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री प्रा. मानसी मोहन जोशी लिखित अप्रतिम काव्यरचना*
*स्कंदमाता*
भक्तांसाठी सदैव तत्पर
आरोग्याची हमीच घेते
स्कंदमाता बालकासी
सुहास्यवदने आशिष देते
स्कंदमाता रूप पाचवे
मुलालेकरा आरोग्यदाई
कमलवासिनी जगन्माता
कार्तिकेय बाळाची आई
नयनामध्ये अतिव माया
सोनवर्ण झगमगते काया
बालरुप ठेवे ह्रदयाशी
अन् भक्तांवर धरते ती छाया
मुर्तिमंत वात्सल्याची प्रतिमा
शांत चेहरा प्रसन्न भामा
सुखसमृद्धी देताना नसते
उदारतेची कधी परिसीमा
केळीचा नैवेद्य आवडे
अलंकार सौभाग्याचे चुडे
अर्पण करता प्रसन्नवदने
सुखशांतीचे वरदान सापडे
प्रा.मानसी मोहन जोशी
ठाणे..
