सावंतवाडी तालुका काँग्रेस कमिटीची आढावा बैठक संपन्न…

सावंतवाडी

महाराष्ट्र प्रदेश काँग्रेस कमिटीचे उपाध्यक्ष व सिंधुदुर्ग जिल्हा काँग्रेसचे प्रभारी रामचंद्र दळवी, जिल्हाध्यक्ष इर्शाद शेख आणि जिल्हा कार्याध्यक्ष विलास गावडे यांच्या प्रमुख उपस्थितीत सावंतवाडी तालुका काँग्रेस कमिटीची आढावा बैठक नुकतीच पार पडली. सावंतवाडी तालुका काँग्रेस कमिटीचे अध्यक्ष महेंद्र सांगेलकर यांच्या अध्यक्षतेखाली ही बैठक आयोजित करण्यात आली होती.

या बैठकीत आगामी जिल्हा परिषद, पंचायत समिती आणि नगर परिषद निवडणुकांवर लक्ष केंद्रित करण्यात आले. प्रत्येक गावनिहाय आणि वॉर्डनिहाय कार्यकर्त्यांवर स्वतंत्र जबाबदारी सोपवण्याच्या सूचना जिल्हा प्रभारी आबा दळवी यांनी दिल्या. तसेच सर्व ग्राम कमिट्या आणि वॉर्ड कमिट्यांची पुनर्रचना करून सर्व सेलच्या नियुक्त्या पंधरा दिवसांमध्ये पूर्ण करण्याचे निर्देश देण्यात आले. यानंतर प्रत्येक गावामध्ये बैठका घेऊन त्याचा अहवाल सादर करण्याच्या सूचनाही दळवी यांनी दिल्या. निवडणुकांमध्ये काँग्रेस सर्व ताकदीनिशी उतरेल, अशी ग्वाही प्रदेश काँग्रेसच्या वतीने श्री. दळवी यांनी दिली. यावेळी सावंतवाडी तालुकाध्यक्ष महेंद्र सांगेलकर, जिल्हा काँग्रेसचे ज्येष्ठ नेते ॲड. दिलीप नार्वेकर,जिल्हा सरचिटणीस रवींद्र म्हापसेकर, शहराध्यक्ष: ॲड. राघवेंद्र नार्वेकर, ॲड. संभाजी सावंत, प्रकाश बांदेकर, सुधीर मल्हार, स्मिता टिळवे, आमिदी मिस्त्री, जास्मिन लक्ष्मेश्वर, कौस्तुभ पेडणेकर, आनंद कुंभार, विनोद मल्हार, अशोक लाटे, प्रतीक सावंत, सुनील सावंत, आबा मांजरेकर, कृष्णा धाऊसकर, प्रतीक्षा भिसे, माया चिटणीस, सत्यवान शेडगे, समीर भाट, शाहरुख खान, सुभाष नाईक, अभिजीत जाधव, संजय लाड, विल्यम सालदाना, हर्षवर्धन धारणकर, रफिया नाईक, ज्ञानेश्वर पारधी, शिवा गावडे, गुणाजी गवस, भाऊसाहेब देसाई, इसफास पिटो, अरुण नाईक, संतोष मडगावकर, विजय ओटवणेकर, रुपेश आईर, सुभाष दळवी, हरिश्चंद्र मांजरेकर, रमेश जाधव, सुमेधा सावंत, बासित पडवेकर, बाळासाहेब नंदीहळी, विभावरी सुकी, अभय मालवणकर, सुरेश निर्गुण, तवकीर शेख, गणेश मिरजकर, मायविन पिन्टो, संतोष तावडे, पीटर फर्नांडिस आणि संतोष कासकर, सिद्धेश मांजरेकर आदी उपस्थित होते.