भाजपा युवा नेते विशाल परब यांच्या संकल्पनेतून व प्रदेशाध्यक्ष रवींद्र चव्हाण यांच्या वाढदिवसानिमित्त आयोजन

सावंतवाडी :

डिस्ट्रिक्ट कॅरम असोसिएशनच्या मान्यतेने २०२५–२६ या वर्षातील पहिली जिल्हास्तरीय कॅरम स्पर्धा शनिवार, दिनांक २० सप्टेंबर रोजी सावंतवाडी जिमखाना येथे मोठ्या उत्साहात सुरू झाली. या स्पर्धेला खेळाडू व रसिक प्रेक्षकांचा उदंड प्रतिसाद लाभत आहे.

भाजपा महाराष्ट्रचे युवा नेते श्री. विशाल परब यांच्या संकल्पनेतून व प्रदेशाध्यक्ष रविंद्र चव्हाण यांच्या वाढदिवसानिमित्त या भव्यदिव्य स्पर्धेचे आयोजन भाजपा सिंधुदुर्ग जिल्ह्याच्या वतीने करण्यात आले.

स्पर्धा १८ वर्षांखालील मुले व मुली तसेच खुला गट अशा विभागांमध्ये होत आहे. विजेत्यांना रोख रक्कम, सन्मानचिन्ह आणि आकर्षक चषक देऊन गौरविण्यात येणार आहे.

ही स्पर्धा अखिल भारतीय कॅरम महासंघाच्या प्रचलीत नियमावलीनुसार पार पडत असून, सिंधुदुर्ग जिल्हा कॅरम असोसिएशनच्या मार्गदर्शनाखाली खेळविली जात आहे.

स्पर्धेच्या यशस्वी आयोजनासाठी भाजपा सिंधुदुर्ग जिल्हा सरचिटणीस महेश सारंग, शहर मंडल अध्यक्ष सुधीर आडीवरेकर, जिल्हा कार्यकारणी सदस्य मनोज नाईक, माजी नगरसेवक आनंद नेवगी, जिल्हा कार्यकारणी सदस्य प्रसाद अरविंदेकर, सरचिटणीस दिलीप भालेकर, उपाध्यक्ष वैशाख मिशाळ, चिटणीस धीरेंद्र म्हापसेकर, शक्ती केंद्र प्रमुख साईनाथ जामदार, नागेश जगताप, गणेश पडते, नगरसेविका दीपाली भालेकर, शहर उपाध्यक्षा सुकन्या प्रविण टोपले, मिसबाह शेख, अन्वीशा मेस्त्री, श्रुती सावंत, मेघना साळगावकर, मेघा भोगटे, संजू शिरोडकर, जिल्हा सदस्य अजय गोंदावळे आदी पदाधिकारी व कार्यकर्त्यांनी मोठ्या संख्येने सहभाग नोंदविला.

तसेच कॅरम असोसिएशनचे अध्यक्ष ॲड. अवधूत भणगे, ज्येष्ठ भाजपा पदाधिकारी ॲड. अनिल निरवडेकर, सिंधुदुर्ग डिस्ट्रिक्ट कॅरम असोसिएशनचे सचिव योगेश फणसाळकर, भाजपा जिल्हाध्यक्ष प्रभाकर सावंत यांच्या मार्गदर्शनाचा लाभ या स्पर्धेला झाला.

या स्पर्धेत १८ वर्षाखालील गटात २४ स्पर्धक तर खुल्या गटात ५६ स्पर्धक सहभागी झाले. विशेष म्हणजे राज्य विजेती केसर निर्गुण हिचा आयोजकांमार्फत सत्कार करण्यात आला.

एकूण दोन दिवस चालणाऱ्या या स्पर्धेला खेळाडूंचा आणि क्रीडाप्रेमी प्रेक्षकांचा उत्स्फूर्त प्रतिसाद मिळत असून सावंतवाडीतील कॅरमप्रेमींसाठी ही एक संस्मरणीय क्रीडा पर्वणी ठरते आहे.