*संस्थापक अध्यक्ष महाकवी कालिदास प्रतिष्ठान पुणे तथा जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी वि ग सातपुते लिखित अप्रतिम काव्यरचना*

*परमसुख*

〰️〰️〰️

स्मृतीलहरींच्या लाटांवरती

हृदयस्थ आठवांचाच झुला

मनात माझ्या नित्य झुलता

क्षणक्षण जगविती जीवाला….

झुलव्याचे प्रीतस्पर्श लाघवी

जागविती अंतरी अव्यक्ताला

शब्दभावनांना फुटता पालवी

पाझर फुटतो तो भावगीताला….

भावनांची , फुले सुंदर कोमल

गंधाळीती अंतरात आत्म्याला

आत्मसुखाचा निर्मली निर्झर

आव्हान असते स्वर्गसुखाला….

परमात्म्याच्याच परमसुखाचा

दृष्टांत हा प्रत्येक जीवात्म्याला

कशास उगाला करावीच चिंता

नित्य स्मरत रहावे दयाघनाला

〰️〰️〰️〰️〰️〰️〰️〰️

*©️ वि.ग.सातपुते.( भावकवी)*

📞 *९७६६५४४९०८*