कणकवली :
राज्याचे मत्स्य व्यवसाय व बंदर विकासमंत्री तथा सिंधुदुर्ग जिल्ह्याचे पालकमंत्री नितेश राणे यांनी शनिवारी कणकवली शहरातील मानाचा गणपती मानल्या जाणाऱ्या संतांचा गणपती, रिक्षा संघटनेचा “कणकवलीचा राजा”, तसेच पोलीस स्टेशन येथील गणपतीचे दर्शन घेतले.
यावेळी रिक्षा संघटनेचे पदाधिकारी, पोलीस निरीक्षक व अधिकारी तसेच संतांच्या गणपतीचे मानकरी उपस्थित होते. पालकमंत्री नितेश राणे यांचे स्वागत करण्यात आले.
पालकमंत्री राणे यांनी या सार्वजनिक गणपतींसह स्थानिक घरोघरी जाऊन श्री गणेशाचे दर्शन घेतले. सांगवे-केनेडी, भिरवंडे येथेही त्यांनी घरोघरी जाऊन श्री गणेशाचे दर्शन घेतले.
या वेळी भाजप जिल्हा उपाध्यक्ष संदेश ऊर्फ गोट्या सावंत तसेच स्थानिक कार्यकर्ते उपस्थित होते. तर कणकवली येथे तालुका अध्यक्ष मिलिंद मेस्त्री, शहराध्यक्ष व रिक्षा संघटना अध्यक्ष अण्णा कोदे, माजी नगराध्यक्ष बंडू हरणे, महेश सावंत, संजय मालडकर, अभय राणे, रिक्षा गणेश उत्सव समिती अध्यक्ष बाळ वराडकर, महेश आंबडोस्कर, भारत तळवडेकर, मनोज वारे, महेश कदम, बाळू वालावलकर आदी रिक्षा संघटनेचे सदस्य, चालक आणि पदाधिकारी मोठ्या संख्येने उपस्थित होते.
