सिंधुदुर्ग :
सिंधुदुर्ग जिल्ह्याच्या नवीन जिल्हाधिकारीपदी श्रीमती तृप्ती धोडमिसे यांची नियुक्ती झाली आहे. सध्या त्या सांगली जिल्हा परिषदेमध्ये कार्यकारी अधिकारी म्हणून कार्यरत होत्या. विद्यमान जिल्हाधिकारी अनिल पाटील सेवानिवृत्त होत असल्यामुळे त्यांच्या जागी श्रीमती धोडमिसे यांची बदली करण्यात आली असून त्या १ सप्टेंबरपासून जिल्ह्याचा कार्यभार स्वीकारणार आहेत.
श्रीम. तृप्ती धोडमिसे सध्या मुख्य कार्यकारी अधिकारी म्हणून जिल्हा परिषद सांगली येथे कार्यरत आहेत. त्यांच्या जागी विशाल नरवाडे यांची नियुक्ती झाली असून श्रीमती तृप्ती धोडमिसे यांची नियुक्ती सिंधुदुर्गच्या नव्या जिल्हाधिकारी पदी करण्यात आलेली आहे. तृप्ती धोडमिसे या २०१८ च्या बॅचच्या आयएएस आहेत.
दरम्यान, तत्कालीन महिला जिल्हाधिकारी के. मंजुलक्ष्मी नंतर पुन्हा एकदा सिंधुदुर्गच्या जिल्हाधिकारी म्हणून एक महिला अधिकारी कार्य करताना पहावयास मिळणार आहे.
