सावंतवाडी :
शिवसेनेच्यावतीने कोलगाव माध्यमिक विद्यालयातील सर्व विद्यार्थ्यांना शैक्षणिक साहित्याचे वाटप करण्यात आले. माजी मंत्री व विद्यमान आमदार दीपक केसरकर आणि शिवसेनेचे जिल्हाप्रमुख संजू परब यांच्या संकल्पनेतून या उपक्रमाचे आयोजन करण्यात आले.
या वेळी शाळेच्या शैक्षणिक उपक्रमांना आमदार दीपक केसरकर व जिल्हाप्रमुख संजू परब यांच्या माध्यमातून सर्वतोपरी सहकार्य करण्याचे आश्वासन शिवसेनेच्या पदाधिकाऱ्यांनी दिले. शैक्षणिक साहित्य मिळाल्याबद्दल मुख्याध्यापक व शिक्षकांनी शिवसेनेचे आभार मानले.
या कार्यक्रमाला शिवसेनेचे माजी कोलगाव विभाग अध्यक्ष सुशांत ठाकूर, विभागीय महिला प्रमुख ॲड. सौ. शितल अभिजीत टिळवे, ग्रामपंचायत सदस्या सौ. प्रणाली टिळवे, नितीन पेडणेकर, विद्येश धुरी, वैष्णव टोपले, स्वरा टिळवे, शाळेचे मुख्याध्यापक अरविंद मेस्त्री, शिक्षक संजय महापुरे, रामचंद्र मेस्त्री, प्रकाश चव्हाण, भागोजी पाटील, मयुरी टिळवे आदी मान्यवर उपस्थित होते.
