करुळ हायस्कूलमध्ये यशस्वी विद्यार्थ्यांचा गौरव :

स्व. मंगेश कर्णिक यांच्या स्मरणार्थ दिले धनादेश

करुळ (प्रतिनिधी):
स्वातंत्र्य दिनाच्या निमित्ताने करुळ हायस्कूलमध्ये एक प्रेरणादायी उपक्रम पार पडला. दहावीच्या वर्गातील गुणवत्ता यादीत आलेल्या पाच विद्यार्थ्यांना प्रत्येकी ₹१००१ चा धनादेश देऊन गौरविण्यात आले. हा उपक्रम स्व. मंगेशजी कर्णिक यांच्या स्मरणार्थ त्यांची कन्या सौ. यशश्री ययाती मोहीरील (अमेरिका) यांच्या सौजन्याने राबविण्यात आला.

या उपक्रमाचे संपूर्ण नियोजन अजित नाडकर्णी यांनी केले. त्यांनी हे धनादेश शाळेचे मुख्याध्यापक यांच्याकडे सुपूर्त केले. “माझ्या आत्येभावाचे करुळ गावाशी जिव्हाळ्याचे नाते होते. त्यांच्या स्मरणार्थ हा उपक्रम हाती घेणे आम्हा सर्वांसाठी अभिमानास्पद आहे,” असे सौ. यशश्री यांनी सांगितले.

कार्यक्रमाच्या यशस्वी आयोजनाबद्दल उपस्थितांनी समाधान व्यक्त केले. “असा उपक्रम दरवर्षी राबविण्याचा आमचा निर्धार आहे,” असेही त्यांनी स्पष्ट केले.

1. तनुजा संतोष चौकेकर – 92.20%

2. चैतन्य संतोष शिरसाठ – 92.00%

3. शिवराज विजयकुमार शिंदे – 90.80%

4. ग्रीष्मा प्रवीण हिंदळेकर – 88.20%

5. कृतिका संतोष लाड – 88.00%

प्रशालेच्या यशस्वी वाटचालीसाठी मार्गदर्शन करणाऱ्या सर्व शिक्षकवृंदांचे आणि पालकांचे मन:पूर्वक आभार मानण्यात आले.