– जिल्हाधिकारी के. मंजुलक्ष्मी

सिंधुदुर्गनगरी 

जिल्हावासियांनी कोणत्याही प्रकारची भिती न बाळगता कोरोनाची लस घ्यावी असे आवाहन जिल्हाधिकारी के. मंजुलक्ष्मी यांनी केले आहे. आज जिल्हाधिकारी के.मंजूलक्ष्मी , जिल्हा पोलीस अधिक्षक राजेंद्र दाभाडे यांनी कोरोनाची लस घेतली. त्यानंतर त्या बोलत होत्या.

            प्रत्येकाने कोविडची लस घ्यावी, आपल्या कुटुंबियांनाही लस द्यावी. कोणीही मागे राहू नये, जिल्ह्यात आतापर्यंत 60 टक्के लसीकरण झाले आहे. तरी उर्वरीत लाभार्थींनीही स्वतः पुढाकार घेऊन लस घ्यावी असे आवाहनही जिल्हाधिकारी के.मंजुलक्ष्मी यांनी यावेळी केले.

            सर्वांनी लवकरात लवकर लस घेऊन सहकार्य करावे, सर्व सहकारी व नातेवाईक यांना याविषयी अश्वस्त करावे व लसीकरण मोहिमेस सहकार्य करावे असे आवाहन जिल्हा पोलीस अधिक्षक राजेंद्र दाभाडे यांनी यावेळी केले.

            यावेळी जिल्हा शल्य चिकित्सक डॉ. श्रीमंत चव्हाण, जिल्हा आरोग्य अधिकारी डॉ. महेश खलिपे यांच्यासह आरोग्य विभाग व जिल्हा रुग्णालयातील अधिकारी, कर्मचारी उपस्थित होते.