फोंडाघाट हरकुळ खुर्द येथील दशावतारी कलाकार श्री. प्रशांत मेस्री यांचे दुःखद निधन

फोंडाघाट

फोंडाघाट परिसरातील हरकुळ खुर्द येथील सुप्रसिद्ध दशावतारी कलाकार श्री. प्रशांत मेस्री यांचे दुर्दैवी निधन झाल्याची बातमी कलाविश्वात हळहळ व्यक्त करणारी ठरली आहे.

ते स्वतःची चारचाकी गाडी सर्व्हिसिंग करत असताना त्यांना विद्युत शॉक लागला आणि या अपघातात त्यांचे दु:खद निधन झाले.

दशावतारातील उत्कृष्ट स्रीपार्ट सादर करणारा कलाकार

श्री. मेस्री दशावतार नाटकांमध्ये विशेषतः स्त्री पात्रांची प्रभावी सादरीकरणासाठी प्रसिद्ध होते. त्यांनी आपल्या अभिनय शैलीने हरकुळ पंचक्रोशीतील लोकांचे मन जिंकले होते.

त्यांच्या निधनामुळे कलाविश्वात आणि स्थानिक समाजात एक उदयोन्मुख आणि कुशल कलाकार गमावल्याची खंत व्यक्त केली जात आहे.

समाजातून भावपूर्ण श्रद्धांजली

दशावतारी रंगभूमीतील त्यांचे सहकारी आणि मित्र श्री. अजित नाडकर्णी यांनी भावपूर्ण श्रद्धांजली अर्पण करताना म्हटले की,

“प्रशांतसारखा मनस्वी आणि मेहनती कलाकार आपण गमावला आहे, ही अपूरणीय हानी आहे.”—

अंत्यसंस्कार आणि शोकसंदेश

श्री. प्रशांत मेस्री यांच्यावर उद्या (२ ऑगस्ट २०२५) रोजी अंत्यसंस्कार होणार आहेत.

त्यांच्या कुटुंबावर अचानक दुःखाचा डोंगर कोसळला असून, या कठीण प्रसंगी त्यांना धैर्य व बळ मिळो, हीच ईश्वरचरणी प्रार्थना.

📝 – अजित माडकर्णी, संवाद मिडिया