*ज्येष्ठ साहित्यिक, पत्रकार, संपादक बाबू फिलिप्स डिसोजा कुमठेकर लिखित अप्रतिम काव्यरचना*

*निसर्ग उत्सव*

धरा हिरवाई नटण्याचा

आला सण श्रावणी उत्सव

काळ रिमझिम पावसाचा

रम्य सृष्टी निसर्ग उत्सव

-१-

जादू करे श्रावणी उत्सव

चैतन्याने खळाळे निर्झर

देवकार्या उत्साही उत्सव

संजीवनी त्यांना जे जर्जर

-२-

कोसळती जलौघ प्रपात

गिरी दरी भ्रमंती निवांत

नेत्र निवले मन प्रशांत

पक्षी कूजन मंत्र मुग्धात

-३-

पिके उभी डोलती शिवारी

जलाशये नितळ निर्मळ

इंद्रधनू क्षितीजी ते भारी

उपासना कुठे ती निर्जळ

-४-

सण नागपंचमी पहिला

बालसौख्या पूजा जिवतीची

भजे हरतालिका महिला

शिवामूठ वाहती धान्याची

-५-

सारंगाला समुद्री जायला

मुहूर्त नारळी पूनवेला

राखी बांधे बहिण भावाला

नाते अतूट सहोदरेेला

-६-

आरोग्याला सात्त्विक आहार

पूर्ण मास श्रावणी उत्सव

तिर्थक्षेत्री धार्मिक विहार

संस्कृतीचा पवित्र उत्सव

-७-

बाबू फिलीप डिसोजा कुमठेकर

पुनावळे पुणे ३३