*सामाजिक कार्यकर्ते संतोष गांवस यांना मातृशोक*

*स्वातंत्र्यसैनिक कन्या आणि टेलरिंग क्लासेसच्या संस्थापिका श्रीमती साधना गांवस यांचे निधन*

*सावंतवाडी*

सालईवाडा येथील रहिवासी आणि साधना टेलरिंग क्लासेसच्या संस्थापिका श्रीमती साधना सुभाष गांवस (वय ८०) यांचे वृद्धापकाळाने आज पहाटे त्यांच्या राहत्या घरी निधन झाले.

स्वातंत्र्यसैनिक कै. मारुती चिटणीस यांच्या त्या कन्या होत. त्यांच्या पश्चात मुलगा, सून, नातू आणि नात असा परिवार आहे. त्या सामाजिक कार्यकर्ते लक्ष्मण ऊर्फ संतोष गांवस यांच्या मातोश्री तर सावंतवाडी तालुका पत्रकार संघाचे सहसचिव विनायक गांवस यांच्या आजी होत.

त्यांच्यावर आज शुक्रवार, दि. २५ जुलै रोजी दुपारी १२.३० वाजता सालईवाडा येथील स्मशानभूमीत अंत्यसंस्कार करण्यात येणार असल्याची माहिती त्यांच्या निकटवर्तीयांनी दिली आहे.