*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री भारती वाघमारे लिखित अभंग रचना*

गुरु अमृताचा बिंदू

गुरुकृपा मनी /वंदिले चरण

गुरूंना शरण /गुरुभेटी //१//

आद्य गुरु माझे /असे मायबाप

कष्ट नसे माप /जीवनात//२//

जीवन अधीन/ मनोमार्गगती

गुरूंची महती /त्रलोक्यात//३//

होता गुरु भेट /गवसले धन

तृप्त झाले मन /पामराचे //४//

गुरुकृपा ठाई /उजळती वाती

ज्ञानाच्या ज्योती /तीमिरात//५//

मनोभावे सेवा /मंत्र संजीवनी

सुख नांदे मनी/गुरु मंत्र//६//

ज्ञानाचा वारस /गुरुकृपा सिंधू

अमृताचा बिंदू /जीवनात//७//

धडे जीवनाचे /विद्या मंदिराचे

धन अमृताचे //शिष्यप्रती//८//

ज्ञानाचा प्रसाद /ओंजळीत घ्यावा

अनमोल ठेवा /गुरु ज्ञान //९//

धडा आयुष्याचा /शिकवतो गुरु

चिंतन हे करू/ क्षणोक्षणी//१०//

सौ भारती वसंत वाघमारे

मंचर

तालुका -आंबेगाव

जिल्हा -पुणे