*जागतिक साहित्य कला व्यक्तित्व विकास मंच तथा साहित्य प्रेरणा कट्टा आजगावचे सन्मा सदस्य कवी सोमा चंद्रकला चंद्रकांत गावडे लिखित अप्रतिम काव्यरचना*
*अलौकिक ढब्बा ” ढ “*
मी न ढब्बा ” ढ ”
मी न ढालगज गं |
आई मला हा ” ढ” चा
का ठस्सा गलबल गं ||१||
अभ्यास मला गं सारे
शिकविती ज्ञानविचारे |
का विचारती लडिवाळे
सुसूत्र बल सुविचारे ||२||
कुणी मला गं बनविला
असा एक तो ” ढ ” बोला |
भीती वाटते गं मला
हा ढंग करी मज अबोला ||३||
आई तुला सांगतो ऐक
माझ्यातला मी अलौकिक |
कलाप्रेमी मी बघ जरा
घडव ज्ञानी मज जरा ||४||
हेलन केलर अन् कित्येक
माझ्याहून काय अपात्र |
तेथही असे कलाकार
मी का न गे सुपात्र ||५||
रंग माझा आगळा
ढंग माझा वेगळा |
ज्ञान माझे परिदर्शी
मी आहे दूरदर्शी ||६||…..
…….मी न ढब्बा ” ढ ”
मी न ढालगज गं |
आई मला हा ” ढ” चा
का ठस्सा गलबल गं ||१||
कवी :- श्री सोमा चंद्रकला चंद्रकांत गावडे.
फणसखोल, आसोली, ता.- वेंगुर्ला,
जि.- सिंधुदुर्ग, राज्य महाराष्ट्र.
