शिवरायांच्या १२ किल्ल्यांचा युनेस्कोच्या जागतिक वारसा यादीत सामावेश केल्याबद्दल भाजपाच्या देवगड व पडेल मंडलाच्या वतीने विजयदुर्ग किल्ल्यावरील मारुती मंदिरात पुष्पहार अर्पण करून लाडुवाटप व ढोल तास्याच्या गजरात जल्लोष

सिंधुदुर्ग जिल्ह्यासाठी गौरवाचा क्षण , ऐतिहासिक दुर्गसंपदेला जागतिक ओळख*

*देवगड

छत्रपती शिवाजी महाराजांच्या १२ किल्ल्यांना युनेस्कोने जागतिक वारसा दर्जा बहाल केल्याच्या पार्श्वभूमीवर देवगड व पडेल भाजपाच्या वतीने एक अभिमानोत्सव साजरा करण्यात आला. कार्यक्रमात शिवप्रेम, मराठी अस्मिता, आणि ऐतिहासिक गौरवाने भारलेले वातावरण अनुभवायला मिळाले.*
भाजप च्या वतिने आयोजित केलेल्या या कार्यक्रमाला तालुक्यातील भाजपा पदाधिकारी, महिला मोर्चा, युवा मोर्चा, तसेच विविध गावांतील सरपंच, उपसरपंच, ग्रामपंचायतीचे सदस्य व स्थानिक नागरिक मोठ्या संख्येने उपस्थित होते.*
कार्यक्रमाची सुरुवात मारुती मंदिरात पुष्पहार अर्पण करून झाली.’जय भवानी जय शिवाजी’, ‘ छत्रपती शिवाजीमहाराज कि जय ‘ च्या घोषणांनी परिसर दुमदुमला. काही क्षण शांततेत उभे राहून उपस्थितांनी शिवकालीन वैभवाला आणि त्यामागच्या त्यागाला अभिवादन केले.या वेळी बोलताना भाजपा नेते अजित गोगटे म्हणाले, “ही केवळ महाराष्ट्रासाठी नाही, तर संपूर्ण देशासाठी अभिमानाची बाब आहे. शिवाजी महाराजांचे किल्ले हे स्वराज्याच्या विचारांचे मूर्त रूप आहेत. आता जागतिक पातळीवर त्यांचा गौरव झाल्याने आपली संस्कृती, इतिहास आणि परंपरा यांना जागतिक मान्यता मिळाली आहे.”*

*कार्यक्रमात महिला मोर्चा व युवा कार्यकर्त्यांनी शिवचरित्रावर आधारित घोषवाक्ये सादर केली. तसेच उपस्थित मान्यवरांनी युनेस्कोच्या निर्णयाचे स्वागत करताना ही मान्यता भावी पिढीला प्रेरणा देणारी असल्याचे मत व्यक्त केले. तसेच या मानांकनासाठी पंतप्रधान नरेंद्र मोदी , मुख्यमंत्री देवेंद्र फडणवीस व सांस्कृतिक कार्यमंत्री अँड. आशिष शेलार यांच्या प्रयत्नातून हे यश शक्य झाल्याने त्यांचे आभार व्यक्त करण्यात आले .या कार्यक्रमास पडेल मांडलाध्यक्स महेश उर्फ बंड्या नारकर, देवगड अध्यक्ष राजा भुजबळ, बाळा खडपे, अरिफ बगदादी, शरद ठूकरुल, विजयदुर्ग सरपंच रजाक काजी, रामकृष्ण राणे, रवी पाळेकर, संजना आळवे आदी उपस्थित होते