*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ कवयित्री शीला पाटील लिखित अप्रतिम काव्यरचना*
*मज विठ्ठल भेटला*🙏🚩🚩
प्रपंचात अडकलो
नाही मंदिरात गेलो
नाही अभंग गायला
*मज विठ्ठल भेटला*
माझ्या संसाराचा गाडा
नीटनेटका रेटला
नाही नमस्कार केला
*मज विठ्ठल भेटला*
मुलाबाळांच्या साठी
कष्ट केले दिन रात
मुलाबाळांत दंगला
*मज विठ्ठल भेटला*
आला याचक दाराशी
गेलो असे स्वागताला
दानधर्म त्याज केला
*मज विठ्ठल भेटला*
दिन अनाथ बालक
दिसला जरी मजला
घास मुखींचा भरविला
*मज विठ्ठल भेटला*
मळा माझा सजविला
पाणी गहू जोंधळाला
वेली वेलीच्या फळाला
*मज विठ्ठल भेटला*
हिरव्यागार झाडावर
पक्षी पाखरांच्या संग
ओवी अभंग गायला
*मज विठ्ठल भेटला*
केला प्रणाम सुर्याला
राती चंद्र चांदण्यांशी
गप्पा कित्येक मारल्या
*मज विठ्ठल भेटला*
घरातल्या देवाऱ्याची
केली नित्य नेम पुजा
रोज नेवैद्य अर्पिला
*मज विठ्ठल भेटला*
माझी आई माझा बाप
हीच माझी पंढरी
त्यांच्या सेवेत दंगला
*मज विठ्ठल भेटला*
*शीला पाटील चांदवड*
