*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री भारती वाघमारे लिखित अप्रतिम काव्यरचना*

*विठू नामाचा गजर*

अवघे गरजे पंढरपूर

जाहला विठूनामाचा गजर//ध्रु//

रंगली रंग रंगोटी,दारी रांगोळी सुंदर.

रथ लावून तोरणे, सजली मखर.

कंठी हार,तुळशी माळा.

कपाळी चंदनाचा टिळा.

जयघोषाने गरजे पंढरपूर

जाहला विठूनामाचा गजर//१//

टाळ म्रुदुंग विना हाती.

वारकरी विठ्ठल गाणी गाती.

दिंडी चालली पंढरी

विठ्ठल उभा विटेवरी.

आला आनंदाचा पूर

जाहला विठूनामाचा गजर//२//

दिंडी चाले पाई पाई.

विठ्ठल वसे ठाई ठाई.

वारकरी हरीनामात दंग.

रंगी रंगला श्रीरंग.

पंढरपूर संतांचे माहेर.

जाहला विठूनामाचा गजर//३//

टाळघोष पडता कानी,

मुर्ती विठ्ठलाची असे ध्यानी.

रूप पाहून सुंदर, हरपली तहान भूक.

पाहे विठ्ठलाचे रूप,चरणी ठेवि मस्तक.

हरीनामाचा करतो जागर

जाहला विठूनामाचा गजर//४//

आम्ही विठ्ठलाचे वारकरी

पाई चालतो पंढरी.

महा पातके जळती,स्नान चंद्रभागेतीरी.

कर ठेवून कटेवरी,विठ्ठल उभा विटेवरी.

चरणी ठेवून मस्तक दूर झाला अंधार

जाहला विठू नामाचा गजर//५//

अवघे गरजे पंढरपूर

जाहला विठू नामाचा गजर

सौ भारती वसंत वाघमारे

मंचर

तालुका-आंबेगाव

जिल्हा-पुणे