*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री अरुणा दुद्दलवार लिखित अप्रतिम काव्यरचना*
*फूल कळीचे होताना*
फूल कळीचे
होतांना जपावे अलवार
वेलीवर बहार
फुलणारा...
मुग्ध अवखळ
अल्लड नाजूक कळी
हसत पाकळी
उलगडते….
कळी उमलता
सुगंध वा-याने दरवळतो
भुंग्यांना कळतो
क्षणात..
रक्षण करावे
किटक भुंग्यापासून कळीचे
जपून उमलायचे
तिला…..
एकेक पाकळी
फुलत अशी जाते
सौंदर्याने मढते
सुंदर.…
समाधान मनात
कळीचे फूल झाले
सर्वार्थाने घमघमले
भोवताल…!!
०००००🌹०००००
अरुणा दुद्दलवार@✍️
