*जागतिक साहित्य कला व्यक्तित्व विकास मंचचे सन्मा जनसंपर्क अधिकारी विलास कुलकर्णी लिखित अप्रतिम काव्यरचना*
*विठ्ठल*
पंढरपुरी ज्याचे राऊळ
बाप माझा श्री विठ्ठल l
कार्तिकी आषाढीला
वारकरी होती गोळा
राहतो भक्तांच्या जवळ
बाप माझा श्री विठ्ठल l
सुख दुःखात तो पाठी
धाऊन येतो भक्तांसाठी
कैवारी त्याचा जो दुर्बल
बाप माझा श्री विठ्ठल l
कमी पडत नाही काही
जातपात तो पाहत नाही
रंक राव सारखेच सकल
बाप माझा श्री विठ्ठल l
त्याचा मोठा गोतावळा
संगे संतांचा जमे मेळा
नाम त्याचे गोड मधाळ
बाप माझा श्री विठ्ठल l
जनीचे दळतो दळण
दामाजीला पुरवी धन
मनाने आहे जो निर्मळ
बाप माझा श्री विठ्ठल l
विलास कुलकर्णी
मीरा रोड
7506848664
