मडूरे परबवाडीत ट्रान्सफॉर्मरमध्ये बिघाड झाल्याने इलेक्ट्रॉनिक उपकरणे जळाली
महावितरणच्या गलथान कारभारामुळे स्थानिकांमध्ये रोष
बांदा
मडूरा येथील ट्रान्सफॉर्मरमध्ये तांत्रिक बिघाड झाल्याने मडूरा – परबवाडी येथील अनेक ग्रामस्थांची इलेक्ट्रॉनिक उपकरणे जळाली आहेत. उपसरपंच बाळू गावडे यांच्या घरातील मीटर जळून भडका उडाला व सर्व सदस्यांना जोरदार शॉक बसला. स्थानिक रुपेश परब याने प्रसंगावधान राखत वेळीच स्विच बंद केल्याने मोठा अनर्थ टळला.
परबवाडीतील अनेक घरांमध्ये ही समस्या उद्भवली आहे. टिव्ही, फ्रिज, फॅन सह अन्य उपकरणे जळाली आहेत. महावितरण अधिकाऱ्यांना या दुर्घटनेची माहिती देण्यात आली आहे. महावितरणच्या गलथान कारभारामुळे ही दुर्घटना झाल्याचा आरोप संतप्त स्थानिकांनी केला आहे.
