शासकीय वसतिगृहात मोफत प्रवेशाची संधी

सिंधुदुर्गनगरी

  सहायक आयुक्त समाज कल्याण कार्यालयांतर्गत मुला- मुलींच्या शासकीय वसतिगृहाकरीता डॉ. बाबासाहेब आंबेडकर मागासवर्गीय मुलांचे शासकीय वसतिगृह, मालवण, कणकवली व वेंगुर्ला अशा 3 ठिकाणी तसेच मागासवर्गीय मुलींचे शासकीय वसतिगृह, मालवण, कणकवली, सावंतवाडी, वेंगुर्ला व देवगड असे 5 ठिकाणी आहेत. या 8 शासकीय वसतिगृहामध्ये विदयार्थी, विद्यार्थीनीना सन 2025-26 या शैक्षणिक वर्षासाठी मोफत प्रवेशाची संधी उपलब्ध झाली, असल्याची माहिती समाज कल्याणचे सहाय्यक आयुक्त संतोष चिकणे यांनी केले दिली आहे.

            अनुसूचित जाती, विमुक्त जाती, भटक्या जमाती, इतर मागासवर्गीयसह इतर प्रवर्गाच्या व्यावसायिक अभ्यासक्रमासाठी प्रथम वर्षात प्रवेश घेणाऱ्या विद्यार्थ्यांना वसतिगृहामध्ये रिक्त असणाऱ्या जागेवर विनामूल्य प्रवेश ऑनलाईन पध्दतीने देण्यात येणार आहे. https://hmas.mahait.org या पोर्टलवर अर्ज भरण्याची सुविधा उपलब्ध करुन देण्यात आलेली आहे. गरजू विद्यार्थ्यांनी इ .8 वी ते 10 वी तसेच  इ. 10 वी नंतरच्या अभ्यासक्रम व बी.ए, बी.कॉम, बी.एस.सी. अशा 12 वी नंतरच्या अभ्यासक्रमामध्ये प्रवेश घेतलेल्या पदवीका, पदवी आणि एम.ए., एम.कॉम, एम.एस.सी असे पदवी नंतरचे पदव्युत्तर, पदवी, पदवीका इत्यादी अभ्यासक्रमातील विद्यार्थ्यांनी  पोर्टलवर ऑनलाईन पध्दतीने अर्ज भरणे आवश्यक आहे.

             सन 2025-26 मधील व्यावसायिक अभ्यासक्रमामध्ये शिक्षण घेणाऱ्या इच्छुक विद्यार्थ्यांनी पोर्टलवर प्रवेश अर्जांची नोंदणी करावी व भरलेला अर्जाची प्रिंट घेऊन संबंधित तालुक्याच्या वसतिगृहातील गृहपाल यांच्याकडे आवश्यक कागदपत्रांसह जमा करावेत. या शासकीय वसतिगृहात विनामूल्य निवास व भोजनासह शैक्षणिक साहित्य, निर्वाह भत्ता, ग्रंथालय, जिम व इंटरनेट वाय-फाय आदी सुविधा विनामूल्य उपलब्ध करुन देण्यात येतात. तरी इच्छुक विद्यार्थ्यांनी तालुक्यास्तरावरील शासकीय वसतिगृहाचे गृहपाल किंवा सहाय्यक आयुक्त समाज कल्याण कार्यालयाचा 02362 228882 या दूरध्वनी क्रमांकावर संपर्क साधावा, असे प्रसिध्दीपत्रकाव्दारे कळविले आहे.