एकात्मिक फलोत्पादन विकास अभियान अंतर्गत विविध घटकांचा लाभ घेण्याचे आवाहन

सिंधुदुर्गनगरी

 एकात्मिक फलोत्पादन विकास अभियान सन 2025-26 अंतर्गत संरक्षित शेती घटकांतर्गत हरीतगृह, शेडनेट हाऊस व प्लास्टिक मल्चिंग या घटकांरिता लाभ दिला जात आहे.तरी जिल्ह्यातील  शेतकऱ्यांना या घटकांचा लाभ मिळण्यासाठी महाडीबीटी पोर्टलवर https://mahadbt.maharashtra.gov.in या संकेतस्थळावर फलोत्पादन या घटकाखाली अर्ज सादर करण्याचे, आवाहन  जिल्हा अधिक्षक कृषि अधिकारी भाग्यश्री नाईकनवरे यांनी केले आहे.

वातावरण बदलाच्या पार्श्वभूमीवर पिकास पोषक वातावरण निर्मिती करुन उच्च दर्जाचा भाजीपाला व फुलपिके घेण्यासाठी संरक्षित शेती तंत्रज्ञानाचा उत्तम पर्याय उपलब्ध आहे. हरितगृह व शेडनेटगृहाच्या वापरामुळे फुले व भाजीपाला पिकांचे निर्यात येाग्य गुणवत्तेच्या मालाचे उत्पादन होत. शेतकऱ्यांना कमी क्षेत्रामध्ये खुल्या वातावरणाच्या तुलनेत 3 ते 4 पटीने उत्पादन घेता येते. त्यामुळे हरितगृह व शेडनेटगृह उभारणीकडे शेतकऱ्यांचा कल वाढत असून संरक्षित शेतीस मोठ्य प्रमाणात प्रतिसाद मिळत आहे.

 लाभाच्या योजना:- एकात्मिक फलोत्पादन विकास अभियान, राष्ट्रीय कृषि विकास योजना

 आवश्यक कागदपत्रे :- ॲग्रीस्टॅक फार्मर आय डी, 7/12 उतारा, 8–अ, आधार कार्डाची छायांकीत प्रत, आधार   संलग्न बँक खात्याच्या पासबुकच्या प्रथम पानाची छायांकित प्रत, जात प्रमाणपत्र (अनु.जाती/अनु.जमाती शेतकऱ्यांसाठी), विहीत नमुन्यातील हमीपत्र, बंधपत्र, चतु:सीमा नकाशा. अनुसुचित क्षेत्रासाठी 15 टक्के अतिरिक्त खर्चाचा मापदंड देय आहे.

योजनेत सहभागी होण्यासाठी :- शेतकऱ्यांनी लाभ घेण्यासाठी महाडीबीटी पोर्टल https://mahadbt.maharashtra.gov.in/farmer/Agrilogin/Agrilogin  या संकेतस्थळावर फलोत्पादन या घटकाखाली अर्ज करावेत. योजनेच्या अधिक माहितीसाठी नजीकच्या तालुका कृषि अधिकारी कार्यालयाशी किंवा  http://krishi.maharashtra.gov.in या संकेतस्थळ संपर्क साधावा.

Ø  खर्चाचा मापदंड, अनुदान मर्यादा व क्षेत्र मर्यादा