*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री संगीता कुलकर्णी लिखित अप्रतिम काव्यरचना*

*एकदा तो माझ्याकडे आला*

एकदा तो माझ्याकडे आला

माझ्याबरोबर चल म्हणाला

हो म्हणायच्या आतच तो

देऊन हात घेऊन गेला

होतो सोबत आम्ही चालत

कधी शांत कधी बोलत

पायवाट निळसर नव्हती संपत

नभी चांदणे, चंद्रासंगत

गोड गप्पा नव्हत्या थांबत

सुरेल आवाज जणू कोकिळेगत

मौनामधे भासे दिव्य एक रंगत

अनवट सूर, बासरीचे उमलत

हसताना तो बाहुला दिसायचा

बारीक डोळे अलगद लाजायचा

गालांवर खळी नाजुक पडायची

नयन शिंपल्यात, जपावी वाटायची

तरूतळी एका आम्ही बसलो

मनीचे सारे त्याला मी वदले

हात थरथरता त्याच्या हातात

परि नजर थेट डोळ्यात

काय झालं पुढे सांगत नाही

स्वप्न सारं पुन्हा आठवायचं नाही

झाली जागी तरी उठली नाही

करत विचार पडले मी

प्रेमामधे तर पडले नाही

लेखिका/ कवयित्री

संगीता कुलकर्णी— ठाणे@

9870451020