*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री प्रा.सौ.सुमती पवार लिखित अप्रतिम काव्यरचना*

*मुखवटे …*

घेऊन मुखवटा हे सारेच चालतात

केव्हातरी पितळ पडणार उघडे आहे..

फासून ती निळाई कोल्हा हा होत नाही

कळणार ना गध्यास हे निखळ सत्य आहे..

सीमेवरी न जाता येथेच कोल्हेकुई

औकात जाणतात जनता पहात राही..

वल्गना डरकाळ्या समुहात त्या करूनी

दिल्लीस पाठवा हो हवाच निघूनी जाई..

ज्या भलेबुरे न कळते हत्तीस भुंकतात

गजराज ऐरावत वळूनीही पहात नाही..

गल्लीत भुंकणारे वेशीवरी न जाती

तुम्ही लढा म्हणतात फुसक्याच असती वाती..

नेहमीच फुसके बार हे भद्द वाजणार

घरका न घाटका हे निर्दयी पार गद्दार…

प्रा.सौ.सुमती पवार नाशिक

(९७६३६०५६४२)