*ज्येष्ठ साहित्यिका, उपक्रमशील आदर्श शिक्षिका, सामाजिक कार्यकर्ती, निवेदिका, कथाकार पर्यावरण प्रेमी अनुपमा जाधव लिखित अप्रतिम काव्यरचना*

*जलतरण*

स्विमिंग पूल मध्ये पोहण्याची

मजा काही और.

कोणी मारतो उड्या

कोणी मारतो सूर.

कोणी जातो पोहत पोहत

पाण्याच्या आतून.

कोणी नुसता पाण्यावर

राहतो फक्त झोपून.

जोरजोरात हात मारत

कोणी पोहतो वेगात.

कोणी पोहतो खोल पाण्यात

कोणी उथळ भागात.

सुरुवातीला पाण्याची

वाटत असते भीती.

नंतर पाण्यात डुंबायचा

आनंद सांगावा किती!

स्विमिंग शिकून पाण्याशी

करुन घ्या दोस्ती.

नंतर कधीच राहणार नाही

बुडण्याची धास्ती.

स्विमिंग हा व्यायाम आहे

अगदी खणखणीत.

त्याच्यामुळे तब्येत आपली

राहते ठणठणीत.

अनुपमा जाधव (शिक्षिका)

के.एल.पोंदा.हायस्कूल, डहाणू

भ्रमणध्वनी ८७९३२११०१७