*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री उज्ज्वला सहस्त्रबुद्धे लिखित अप्रतिम काव्यरचना*

*शेतकऱ्याची सकाळ..*

(अष्टाक्षरी)

झुंजू मुंजू झालं आता,

उजाडले सारीकडे!

पूर्व दिशेला गं दिसे,

सूर्यकिरणांचे सडे !…१

कुठे गायीच्या गोठ्यात,

हंबरे वासरू छोटे !

गायीचा वात्सल्य पान्हा,

झुरू झुरू प्रेम वाटे !..२

पहाट द्रुष्य खेड्याचे,

सुखावते मनालाही !

शेतकऱ्याची सावली,

साऱ्या आसमंती राही!..३

पहाट वेळ होताच ,

पाय गोठ्याकडे वळे!

हाती चरवी घेऊनी,

राधा दुग्धधारा काढे!..४

मराठी मातीची ओढ,

शेतकरी मना फार !

गाय वासरू महती,

वाटे शेतकऱ्यां थोर !…५

उज्वला सहस्रबुद्धे