*जागतिक साहित्य कला व्यक्तित्व विकास मंचचे सन्माननीय सदस्य तथा संस्थापक अध्यक्ष महाकवी कालिदास प्रतिष्ठान, पुणे लेखक कवी वि.ग. सातपुते लिखित अप्रतिम काव्यरचना*

*बकुळा*

〰️〰️〰️

अजुनही आठविते ती

ओंजळ बकुळफुलांची

अन नजर तुझी लाघवी

निर्मल त्या भावप्रितीची….

भावनांचा स्पर्श अबोली

अन मिठी ती काळजाची

आज सारेसारे आठविता

सुटते शपथ त्या मौनाची….

सांग , काय किती लाभले

होता सांजाळ जीवनाची

समाधाने कितीशी हुंगावी

ओंजळ ती बकुळफुलांची…..

तू अशी अबोली मनसुंदरा

तार छेडितेस या अंतराची

शब्दा शब्दात तुझी स्पंदने

गात्रात साथ सुरेल गीतांची…..

〰️〰️〰️〰️〰️〰️〰️

*©️वि.ग. सातपुते.( भावकवी )*

*📞( 9766544908 )*