*जागतिक साहित्य कला व्यक्तित्व विकास मंचचे सन्मा जनसंपर्क अधिकारी विलास कुलकर्णी लिखित अप्रतिम काव्यरचना*

*कुमारी माता*

नको कुणाला तरी लाभते

दिव्यातून ती मोठ्या जाते

कलियुगातील कुंती सुद्धा

तीही एक माताच असते.

फुल नाजूक फुलता बागेत

माळ्याचेच पित्त खवळते

उपेक्षित शब्द वंचित प्रेमा

तीही एक माताच असते.

कोण चूक की सगळं बरोबर

त्यात पाप पुण्य कुणी मोजते

हे कठीण गणित सोडवणारी

तीही एक माताच असते.

अजाण बाला पाय घसरला

राहतो तो तरी नामानिराळा

देवून स्वनाव बाळा वाढविते

तीही एक माताच असते.

संतान अनौरस नामाभिधान

नाही पाळता विवाह बंधन

जरी शहाणी वेडीच असते

तीही एक माताच असते.

विलास कुलकर्णी

मीरा रोड

7506848664