*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ कवयित्री शीला पाटील लिखित अप्रतिम काव्यरचना*
*श्रीराम*
शरयु नदीच्या तीरी
पुण्य अयोध्या नगरी
बाळ जन्मा आले आज
माता कौसलेच्या उदरी
राजस गोंडस रुप
दशरथाची सावली
लिंबलोण उतरते
माता सुमित्रा माऊली
दुमदुमली नगरी
वाजे सनई चौघडा
माळा तोरण सजले
पडे प्राजक्ताचा सडा
एकपत्नी एकबाणी
आदर्श रामराज्य
माता पित्याच्या सेवेत
नित्य रामराया सज्ज
लक्ष्मण सीते सवे
गेले राम वनवासी
पतिव्रता सीतेसाठी
मारियले रावणासी
नाम घेता श्रीरामाचे
दुःख भय दुर जाती
रामनामाचे स्मरण
मोक्षपदास पोचती
*शीला पाटील. चांदवड* .
