*ज्येष्ठ साहित्यिक पत्रकार संपादक बाबू फिलिप्स डिसोजा कुमठेकर लिखित अप्रतिम काव्यरचना*

*गुढीपाडवा पर्वणी*

नव संवत्सर साजरा करू या चला

चैत्र आला चैतन्य घेऊनी स्वागताला

घरांवर उंच ब्रह्म ध्वज उभारू या

गुढी पाडवा मुहूर्त शुभ तोरणाला

-१-

रेशमी वस्त्रे,पुष्पहार ,साखर गाठी

कडुनिंबाची डहाळी, कळकाची काठी

रजत कलश मंडित उंच गुढी उभारू या

नव पर्वणी लाभाची चैत्र शुक्ल प्रतिपदेला

-२-

विजय ध्वज हा अयोध्या लोकराजा श्रीरामाचा

उल्हासित नगरजन न्यायदाता स्व राजाचा

सत्य युग अवतरले शांती समृद्धी जपाया

संपला वनवास कल्याणा राम अवतरला

-३-

संपले असूर राज संहारली राक्षसी कांक्षा

नष्ट मायाजाल जनांतरी रामराज्य प्रतिक्षा

सम दृष्टी प्रजे प्रति लोक हितकारी निर्णया

असो पाषाण क्षुद्र कितीही राम नामे तरला

-४-

-बाबू फिलीप डिसोजा कुमठेकर

अनिका पिकॅडिली ए-५०३

पुनावळे बाजार, पुनावळे, पुणे ४११०३३