प्रज्ञाशोध परीक्षा निकाल जाहीर

सिंधुदुर्गनगरी 

 जिल्हा परिषद मार्फत घेण्यात आलेल्या भारतरत्न डॉक्टर ए.पी.जे. अब्दुल कलाम प्रज्ञाशोध परीक्षेचा सन 2024-25 चा अंतिम निकाल जाहीर झाला असल्याची माहिती शिक्षणाधिकारी (प्राथमिक) डॉ. गणपती कमळकर यांनी दिली.

इयत्ता सातवीमध्ये विराज संतोषकुमार कल्याणकर जिल्हा परिषद शाळा कणकवली नं-3, प्रथम तर वैदेही संदिप फोंडके विद्या मंदिर हेत, व्दितीय आणि ओम मुरलीधर भणगे, जिल्हा परिषद शाळा घोडगेवाडी तृतीय आलेला आहे. इयत्ता चौथीमधील पियुष विजय लाड, जिल्हा परिषद शाळा नेरुर शिरसोस प्रथम तर वृंदा विलास आवडण जिल्हा परिषद शाळा आरोंदा मानसी, व्दितीय, आणि देवेन विद्याधर पाटील जिल्हा परिषद शाळा फोंडा नं.1 तृतीय क्रमांक मिळवला आहे.

इयत्ता पाचवी व आठवीच्या शासकीय शिष्यवृत्ती परीक्षेची पूर्वतयारी व्हावी, विद्यार्थ्यांना स्पर्धा परीक्षेच्या अभ्यासाचा व परीक्षांचा सराव व्हावा, स्पर्धात्मक अभ्यासाची सवय लागावी, विद्यार्थ्यांच्या ज्ञानात अधिक भर पडावी तसेच सिंधुदुर्ग जिल्हा परिषदेच्या शाळांची पटसंख्या वाढावी या हेतून सन 2018 पासून सिंधुदुर्ग जिल्हा  परीषदेच्या शाळेत शिकणाऱ्या  इयत्ता चौथी व सातवीच्या विद्यार्थ्यांसाठी सिंधुदुर्ग जिल्हा परिषदेमार्फत भारतरत्न डॉ. ए.पी.जे. अब्दुल कलाम सिंधुदुर्ग प्रज्ञाशोध परीक्षेचे आयोजन करण्यात येते. यावर्षी या परीक्षा 9 मार्च  2025 रोजी जिल्ह्यातील एकुण 40 परीक्षा केंद्रावर संपन्न झाली.

यासाठी इयत्ता चौथीच्या परीक्षेसाठी एकूण 5165 विद्यार्थी व इयत्ता सातवीच्या परीक्षेसाठी एकुण 2224 विद्यार्थी मिळूण एकंदर एकूण 7389 विद्यार्थी प्रविष्ठ झाले होते.

इयत्ता चौथीमध्ये 1907 विद्यार्थी उत्तीर्ण झाले असून इयत्ता चौथीच्या निकाल 36.92 टक्के लागला आहे. तर इयत्ता सातवीमध्ये 460 विद्यार्थी उत्तीर्ण झाले असून इयत्ता सातवीचा निकाल 20.68 टक्के लागला आहे. सर्व विद्यार्थ्यांचे मुख्य कार्यकारी अधिकारी तथा प्रशासक रविंद्र खेबुडकर यांनी अभिनंदन केले आहे.

इयत्ता चौथी तालुकानिहाय गुणानुक्रमे प्रथम 3 विद्यार्थी