सावंतवाडीत १५ मार्चला तालुकास्तरीय वैयक्तिक बालगीत सादरीकरण स्पर्धा…
सावंतवाडी
स्व. श्रीमंत कमलाबाई दत्ताजीराव भोसले-तळीकर प्रतिष्ठानच्या वतीने बालवाडी ते दुसरीच्या विद्यार्थांसाठी तालुकास्तरीय वैयक्तिक बालगीत सादरीकरण स्पर्धा २०२५ चे आयोजन करण्यात आले आहे.
ही स्पर्धा १५ मार्चला सायं. ३ वा. राणी पार्वती देवी ज्युनिअर कॉलेज, सभागृहात होणार आहे. या स्पर्धेत २ ते ३ मिनिटांचे सादरीकरण अपेक्षित असून स्पर्धेत सहभागी होण्यासाठी नाव नोंदणी १२ मार्च पर्यंत करायची आहे. नाव नोंदणीसाठी 9075119473 या नंबरवर व्हाट्सअप द्वारे स्पर्धकाचे संपूर्ण नाव, मोबा. नंबर, इयत्ता व शाळेचा उल्लेख करून पाठवायचा आहे.
बालगीत सादरीकरण हे मराठी भाषेतून व पाठांतर स्वरूपात असावे. ही स्पर्धा निःशुल्क आहे. या स्पर्धेत प्रथम क्रमांक पटकाविणाऱ्या स्पर्धकास रोख रक्कम १ हजार सन्मानचिन्ह, प्रमाणपत्र, द्वितीय क्रमांकास रोख ७०० रू. सन्मानचिन्ह, प्रमाणपत्र, तृतीय क्रमांकास ५०० रू. सन्मानचिन्ह व प्रमाणपत्र तसेच उत्तेजनार्थ दोन प्रत्येकी २०० रू. सन्मानचिन्ह व प्रमाणपत्र व सहभागी स्पर्धकांना सहभाग प्रमाणपत्र दिले जाईल, तर बक्षीस वितरण समारंभ याच दिवशी संपन्न होईल. तसेच प्रतिष्ठानचे संस्थापक अध्यक्ष स्व. प्रा. मिलिंद भोसले यांच्या स्मृतींना अभिवादन करण्यात येणार असून सचिव स्व. सुभानराव दत्ताजीराव भोसले यांच्या स्मृती प्रित्यर्थ सामाजिक, शैक्षणिक सेवा सन्मान देऊन शिक्षण प्रसारक मंडळ, सावंतवाडीचे सचिव, माजी प्राचार्य व्ही. बी. नाईक यांचा गौरव करण्यात येणार आहे, अशी माहिती प्रतिष्ठानचे संचालक गौरव भोसले, विश्वस्त अनिल भोसले यांनी दिली आहे. या स्पर्धेमध्ये स्पर्धकांनी नाव नोंदणी लवकरात-लवकर करावी, असे आवाहन आपण व्यक्त होऊया समिती प्रमुख निरज भोसले, कार्यक्रम संयोजक विनायक गांवस यांनी केली आहे.
