कुणकेश्वर महाशिवरात्री यात्रा – नामदार नितेश राणे यांनी केले भव्य दिव्य लेझर शोचे आयोजन

कुणकेश्वर महाशिवरात्री यात्रा – भव्य दिव्य लेझर शोचे आयोजन!

सिंधुदुर्गचे पालकमंत्री तथा बंदर विकास व मत्स्य व्यवसाय मंत्री नामदार नितेश राणे यांच्या सौजन्याने यंदाच्या कुणकेश्वर महाशिवरात्री यात्रेत भक्तांसाठी भव्य दिव्य लेझर शो आयोजित करण्यात आला आहे. या विशेष शोमध्ये ‘शिवतांडव’ व ‘बीम शो’ अशा दोन अद्वितीय सादरीकरणांचा समावेश असेल, अशी माहिती भाजप जिल्हा सरचिटणीस संदीप साटम यांनी दिली आहे.

यात्रेचे विशेष आकर्षण – लेझर शो!
हा लेझर शो महाशिवरात्री यात्रेचे मुख्य आकर्षण ठरणार असून, भाविकांना अत्याधुनिक तंत्रज्ञानाच्या माध्यमातून शिवशक्तीचे भव्य दर्शन घडवण्याचा मानस नामदार नितेश राणे यांनी व्यक्त केला आहे. भाविकांना हा अनोखा आणि नेत्रदीपक अनुभव मिळावा यासाठी त्यांनी विशेष प्रयत्न केले आहेत.

महाशिवरात्री यात्रा सुरक्षित आणि भव्य दिव्य करण्यासाठी संपूर्ण प्रशासन नामदार नितेश राणे यांच्या मार्गदर्शनाखाली कार्यरत आहे. कुणकेश्वर ग्रामपंचायत व कुणकेश्वर ट्रस्टही या आयोजनात महत्त्वाची भूमिका बजावत आहेत. भाविक अधिक वेळ यात्रेत सहभागी राहून या अद्भुत अनुभवाचा आनंद घेवू शकतील, अशी अपेक्षा आयोजकांनी व्यक्त केली आहे.

आर. के. लेझर आणि अमित पाटील यांचा भव्य सादरीकरण!
या शोचे आयोजन सुप्रसिद्ध आर. के. लेझर आणि अमित पाटील यांच्या टीमकडून करण्यात आले आहे. त्यांनी यापूर्वी अहमदाबाद वर्ल्ड कप फाइनल, अरिजित सिंग लाइव (पुणे), जामखेड किल्ला शो आणि प्रयागराज कुंभ मेळा यांसारख्या भव्य कार्यक्रमांमध्ये सहभाग घेतला आहे.

शोच्या तारखा आणि वेळा
भाविकांना २५ व २६ फेब्रुवारीच्या सायंकाळी या नेत्रदीपक शोचा आनंद घेता येईल. ‘शिवतांडव’ व ‘बीम शो’ ही दोन विशेष सादरीकरणे यात्रेच्या निमित्ताने सादर केली जाणार आहेत.

सर्व शिवभक्तांसाठी सुवर्णसंधी!
सर्व शिवभक्त आणि भाविकांनी या भव्य दिव्य लेझर शोचा आनंद घ्यावा, असे आवाहन आयोजकांकडून करण्यात येत आहे. महादेवाच्या दिव्य ऊर्जा आणि तांत्रिक रोषणाईच्या संगमाचा हा अद्वितीय सोहळा अनुभवायला विसरू नका!