*जागतिक साहित्य कला व्यक्तित्व विकास मंचचे सन्मा सदस्य कवी गीतकार गायक संगीतकार अरूण गांगल लिखित अप्रतिम काव्यरचना*

*”श्री रामदास नवमी निमित्त स्वामींना वंदन”*

रामदास कवी शास्त्रज्ञ अनन्य संत

शरण जावे रामदासांस योगी समर्थ।।धृ।।

मारुती श्रीरामाचे निस्सीम भक्त

करिती भारत-भ्रमण धर्म प्रचारार्थ

दाविती प्रचिती अज्ञान दूर करीत।।1।।

नित्य करिती तप गायत्री पुरश्चरण

भिक्षा मागून चालविती चरितार्थ

उद्घोषती जय जय रघुवीर समर्थ।।2।।

नित्य व्यायाम साधना यष्टी बलदंड

मारुतीची असंख्य मंदिरे केली स्थापित

ब्रह्मचर्य व्रत सदा आचरण शुद्ध।।3।।

मनाचे श्लोक ओव्या शिकवती जीवनार्थ

गावोगावी करिती भजन प्रवचन कीर्तन

जन जागृती करिती द्रष्टे विचारवंत।।4।।

खाकेत झोळी अंगी भस्म रुद्रमाळ गळ्यांत

हाती कुबडी पीतवर्ण कांती तेज अघटित

निस्वार्थी शुद्ध सात्विक अन्याय दूर करीत।।5।।

रचिले भीमरूपी स्तोत्र विश्व विख्यात

अंतराळ तज्ञ खगोल शास्त्र सर्व ज्ञात

गणिती अंतर्ज्ञानी निद्रिस्ताना करी जागृत।।6।।

हिंदूराष्ट्र निर्मिती आसक्ती ध्येय उद्दिष्ट

दासबोध ग्रंथ विश्वाला मार्ग दर्शवीत

कल्याणासम त्यांचे असंख्य शिष्य भक्त।।7।।

सर्वज्ञ वेद पुराण संपन्न संगीतज्ञ

दासबोध लिहिला शिवथर घळीत

सज्जनगड वासी स्वधर्म सूर्य पहात।।8।।

काव्य:श्री अरुण गांगल कर्जत रायगड.महाराष्ट्र.

पिन410201.Cell.9373811677.