*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री प्रा सौ सुमती पवार लिखित अप्रतिम काव्यरचना*

*माझा शिवबा…*

इतिहास पुढे सांगेन, आचंद्रसूर्य नांदेल

माझा शिवबा होता महान..तो पिढ्या सर्व गाजेल

हो जी जी र र जी जी….

आता पटली आहे साक्ष, जनता झाली पहा दक्ष

खोदून पाने सोनेरी..आता वेधले हो लक्ष जी जी र र जी…

झाकलं किती कोंबडं, तरी फुटतं पहा तांबडं

सूर्य येत नाही झाकतां, जिकडं तिकडं शिवबाच्या कथा… हो जी र र जी जी जी….

राजा छत्रपती हा माझा, सम्राट होता राष्ट्रांचा

जागोजागी खुणा हो त्याच्या,गड किल्ले, लालमहालाच्या.. हो जी र र जी जी…

पुसणार नाही इतिहास, हे दुर्गम किल्ले गड

इतिहास सांगतील पुढे, हे सारे किल्ले अवघड

हो जी र र जी जी …

ही इतिहासाची पाने, ती मढवलीत सोन्याने

ती विश्व विजयी घोडदौड.. सारी पाहिली हो दुनियेने जी जी र र जी…

नतमस्तक सारे विश्व,अपार उपसले कष्ट

तो सिंहासनी बसून..राष्ट्र केले धष्टपुष्ट

हृदयावर करेल राज .. जी जी जी र र जी….

प्रा.सौ.सुमती पवार नाशिक

(९७६३६०५६४२)