*जागतिक साहित्य कला व्यक्तित्व विकास मंचचे सन्मा सदस्य कविवर्य वैद्यराज भूपाल त्र्यंबक देशमुख लिखित अप्रतिम काव्यरचना*

*🌾🍇संत ऋषि कवि गुरु🍇🌾* 

कोण संत ऋषि कवि गुरु हे कसे ओळखावे ?

संत ऋषि कवि वा सद्गुरु कुणाला म्हणावे ? ।।धृ।।

तन मन वाचा शुद्ध अमृते भारिती

तिन्ही लोक उपकारांनी आनंदे भरीती

पर गुण कण हृदयी नगाकार करिती

कृपाळूपणाने जगता सदा जे पाहती

याच युगी त्यांना संत जाणावे म्हणावे !!।।१।।

कष्ट वा कृति करीती जे आहे अविश्रांत

ध्येय हे जयांचे आहे मिळविणे मंत्र

दिव्य दृष्टिने जे जाणति संसाराचे तंत्र

सदा शोध बुद्धि ज्यांची विकासाची यंत्र

याच युगी त्यांना ऋषिवर जाणावे म्हणावे ।।२।।

वागणे जयाचे आहे स्वधर्माश्रयींचे

अवतरे शब्दा आधी आशिष कृपेचे

सौम्य साधु साधे सोपे रसशब्द ज्यांचे

व्यवस्थेस जे राखती शब्दगंध साचे

याच युगी त्यांना कवि हो जाणावे म्हणावे ।।३।।

आनंद नसे हो साधा , असे ब्रह्मानंद

पहायला वागायाला बोलाया मुकुंद

लोकसंग्रह हा आहे ज्यांचा एक छंद

मन हृदय बुद्धी ज्यांची दिसे अरविंद

याच युगी त्यांना सद्गुरु जाणावे म्हणावे ।।४।।

लोकसंग्रह=लोकोन्नति/लोकांचा उत्कर्ष

*©सर्वस्पर्शी*

©कविवर्य वैद्यराज भूपाल त्र्यंबक देशमुख

नाशिक ९८२३२१९५५०